''ქართული პარტია'' ხელისუფლების შესაცვლელად ფართომასშტაბიან საპროტესტო აქციებს იწყებს. აღნიშნულის შესახებ '' ჯეონიუსს'' '' ქართული პარტიის'' პრესსამსახურიდან აცნობეს.
პირველი აქცია ხვალ, 9 მაისს, ფაშიზმზე გამარჯვების დღეს ,კახეთის რეგიონში ჩატარდება. პარტიის ლიდერები და აქციის მონაწილეები პატივს მიაგებენ მეორე მსოფლიო ომში დაღუპულთა ხსოვნას და გვირგვინებით შეამკობენ მემორიალებს ჯერ ვაკის პარკში, შემდეგ კი საგარეჯოს რაიონის სოფელ პატარძეულსა და გურჯაანში.
გარდა აღნიშნულისა, გურჯაანში, ავტოსადგურის მიმდებარე ტერიტორიაზე ჩატარდება მიტინგი, რომლის დასრულებისთანავე აქციის მონაწილეები თელავში გაემგზავრებიან და პროტესტს ამჯერად უკვე ერეკლე მეორეს სახელობის მოედანზე გამოხატავენ.
თელავიდან ავტოკოლონა ყვარელში გადაინაცვლებს, სადაც, ჭავჭავაძის ქუჩაზე მოეწყობა მანიფესტაცია,რის შემდეგაც ყვარლის რაიონის გამგეობის შენობის წინ საპროტესტო მიტინგი გაიმართება.
ცნობისთვის, კახეთის შემდეგ, „ქართული პარტია" ანალოგიურ აქციებს ქვეყნის სხვა რეგიონებში გამართავს.