მიუხედავად იმისა, რომ სოციალური ქსელის "Facebook"-ის შემქმნელი, მარკ ცუკერბერგი "ფორბსის" სიის ლიდერებს შორის უკვე რამდენიმე გამოკითხვაში საპატიო ადგილს იკავებს, ახალგაზრდა მილიარდერმა საკუთარი სახლის ყიდვა მხოლოდ ახლა გადაწყვიტა.
კალიფორნიაში არსებული ძველი სტილის, 1,5 ათასი კვადრატული მეტრის ფართის მქონე სახლია, რომელშიც ახალგაზრდა გენიოსმა 7 მილიონი დოლარი გადაიხადა. ამის გაკეთება მან საკუთარი დაბადების დღისთვის გადაწყვიტა – 14 მაისს მსოფლიოს ყველაზე პოპულარული სოციალური ქსელის დამფუძნებელს 27 წელი უსრულდება.
აქამდე ცუკერბერგი ნაქირავებ ბინაში ცხოვრობდა და მათ ხშირად იცვლიდა. ამბობენ, რომ სახლი მან თავისი ჩინურ-ამერიკული წარმოშობის შეყვარებულის, პრისცილა ჩანის გამო იყიდა. მარკი მისი ხათრით ჩინურსაც სწავლობს და შეყვარებულთან ერთად ჩინეთში გამგზავრებასაც აპირებს.
მიმაგრება:  |
