მთავარი » 2011 » მაისი » 13 » ნინო ბურჯანაძე: მე ნამდვილად სუფთა პოლიტიკოსი ვარ
00:28 ნინო ბურჯანაძე: მე ნამდვილად სუფთა პოლიტიკოსი ვარ |
 "დემოკრატიული მოძრაობის" ლიდერი "ქართული პარტიის" თავმჯდომარის სოზარ სუბარისა და "რესპუბლიკური პარტიის" წევრ დავით უსუფაშვილის ურთიერთბრალდებებს გამოეხმაურა.
როგორც ნინო ბურჯანაძემ "პრაიმ ტაიმში" ჟურნალისტებთან შეხვედრისას განაცხადა, რომ მას ეჭვი არსდროს ეპარებოდა, იმაში რომ ირაკლი ალასანიასა და რუსეთის საგარეო უწყების ხელმძღვანელის, სერგეი ლავროვის მიუნხენში შეხვედრა შემთხვევითი არ ყოფილა.
"იმ რანგის პოლიტიკოსებს, როგორიც სერგეი ლავროვია, შემთხვევით დერეფანში ვერ შეხვდები და 45 წუთი ვერ დაელაპარაკები. ბუნებრივია, აღნიშნულ შეხვედრას მოსამზადებელი შეხვედრებიც უძღოდა. მიკვირს, რატომ იყო ეს ყველაფერი ასე გასაიდუმლეობული", - განაცხადა ანინო ბურჯანაძემ და აქვე დასძინა, რომ ის ნამდვილად სუფთა პლიტიკოსია.
"ვამბობდი და ვიმეორებ, რომ ჩემი ხალხისთვის ტყუილი არასდროს მითქვამს, ვხვდებოდი რუსეთის ლიდერებს და მათ მომავალშიც შევხვდები, ამის დამალვას არ ვცდილობ", - დასძინა "დემოკრატიული მოძრაობის" ლიდერმა.
ქართული პარტიის" თავმჯდომარემ სოზარ სუბარმა "ალიანსი საქართველოსთვის", რომელიც "რესპუბლიკელებს", "ახალ მემარჯვენეებს" და "თავისუფალ დემოკრატებს" აერთიანებდა, 2010 წლის 30 მაისის ადგილობრივი თვითმმართველობის არჩევნებისთვის რუსეთთან გარიგებაში დაადანაშაულა.
ყოფილმა სახალხო დამცველმა ტელეკომპანია "კავკასიის" ეთერში, "რესპუბლიკელების" ლიდერთან, დავით უსუფაშვილთან გამართულ დებატებზე ხაზგასმით აღნიშნა, რომ ირაკლი ალასანიასა და რუსეთის საგარეო უწყების ხელმძღვანელის, სერგეი ლავროვის მიუნხენში შეხვედრა შემთხვევითი არ ყოფილა, იყო დაგეგმილი და წინ უძღოდა სხვა შეხვედრები, რომელიც საზოგადოებისთვის ცნობილი არ არის.
მიმაგრება:  |
|
კატეგორია: News - ახალი ამბები |
ნანახია: 690 |
დაამატა: Germana
| ტეგები:
| რეიტინგი: 0.0/0 |
 |
