მთავარი » 2011 » მაისი » 13 » რიო ფერდინანდი ”უემბლის” ფინალზე საუბრობს
17:40 რიო ფერდინანდი ”უემბლის” ფინალზე საუბრობს |
 რიო ფერდინანდმა პირობა დადო, რომ 28 მაისს ”ბარსელონას” ”ნამდვილი ”მანჩესტერ იუნაიტედი”” დაუპირისპირდება.
წითლების მცველი როგორც ჩანს კვლავ განიცდის 2 წლის წინ, ჩემპიონთა ლიგის ფინალში ”ბარსელონას” მიერ დამარცხებას და აცხადებს, რომ ამჯერად ყველაფერი სხვაგვარად მოხდება.
ფერდინანდი ითვალისწინებს პეპ გვარდიოლას გუნდის შემტევი ხაზის კლასს და თავის თანაგუნდელებს ყურადღებისკენ მოუწოდებს.
”არასდროს მინახავს 2009 წლის ფინალი განმეორებით, მაგრამ ასეთი დონის მატჩების დავიწყება ძნელია, ვინაიდან სულ თავში გიტრიალებს.”
”თუ გინდა, რომ დაჯდე და იფიქრო ასეთ მატჩებზე, ეს ძალიან მარტივია. ეს ინტერნეტში რამის მოძიებას გავს. მართალია, არ მიყურებია თამაშისთვის განმეორებით, მაგრამ რამდენჯერმე დავფიქრდი მასზე. მაშინ ჩვენ არ გვითამაშია. მაშინ ჩვენ ბურთი არ მიგვიღია. მაშინ ჩვენ არ ვიყავით ”მანჩესტერ იუნაიტედი”. ”
”თამაშის დასრულების შემდეგ ვფიქრობდით, რა მოხდებოდა რომ გავსულიყავით და გვეთამაშა, როგორც ნამდვილ ”მანჩესტერ იუნაიტედს”? ყველაფერი სხვაგვარად იქნებოდა. ამჯერად ყველაფერს უკეთ გავაკეთებთ.”
”როდესაც უყურებ ”ბარსელონას” თამაშებს, ხვდები, რომ ამ გუნდში არაჩვეულებრივი ფეხბურთელები თამაშობენ. მათ ყავთ მსოფლიოს სამი საუკეთესო ფეხბურთელი, თუ ვიმსჯელებთ ტიტულებით. მაგრამ მარტო ისინი როდი არიან. თუ აიყვან ”ბარსელონას” ერთ ფეხბურთელს, მაინც გიწევს დარჩენილი ათის წინააღმდეგ თამაში.”
”დარწმუნებული ვარ, რომ ისინიც იგივეს ფიქრობენ ჩვენზე. ისინი ჩვენზე გამოცდილები არიან, იციან როგორ გაიმარჯვონ, ისინი მუდმივად იგებენ ბოლო 2-3 წლის განმავლობაში. ”ბარსელონას” ”უძლეველის” აურა აქვს, მაგრამ ჩვენ ამაზე არ წამოვეგებით. ჩვენც გვაქვს რაღაც, რითაც შეგვიძლია ვიამაყოთ. ჩვენც გავსულვართ გასახდელში მოგებული მატჩების შემდეგ.”
მიმაგრება:  |
|
კატეგორია: Sports - სპორტი |
ნანახია: 676 |
დაამატა: iakobi
| ტეგები:
| რეიტინგი: 0.0/0 |
 |
