მთავარი » 2011 » მაისი » 14 » "სუხიშვილებმა" "ივენთ ჰოლ"-ში საქველმოქმედო კონცერტი გამართეს
22:50 "სუხიშვილებმა" "ივენთ ჰოლ"-ში საქველმოქმედო კონცერტი გამართეს |
 თბილისის "ივენთ ჰოლ"-ში ანსამბლ "სუხიშვილების" საქველმოქმედო კონცერტი ჩატარდა. საღამოზე, ანსამბლმა პროექტი "ასსა" შეასრულეს. კონცერტიდან შემოსული თანხა წეროვანის ხელოვნების სკოლას მოხმარდება.
"ჩვენ წარმოვადგინეთ ახალი პროექტი, რომელიც "ასსა"-ს ერთ-ერთი ვერსიაა. მას დავარქვით "სუხიშვილები მსოფლიო ჰიტებით", ანუ ეს არის სხვადასხვა ტიპის მელოდიები, არანჟირებული ჩვენი ბენდის მიერ და ამაზე დადგმული სხვადასხვა ქორეოგრაფიული ნომრები. ეს პროექტი ძალიან მომგებიანია, იმიტომ რომ კომერციულია და პირველად მუშაობს საქველმოქმედოდ", - აღნიშნა, ნინო სუხიშვილმა.
კონცერტი საქართველოს კულტურისა და ძეგლთა დაცვის სამინისტროსა და საქველმოქმედო ფონდის "ხელოვანები თანადგომისთვის" ორგანიზებით იმართება.
"ჩვენი ფონდი უკვე მეორე წელია აქტიურად მუშაობს, დღევანდელი მონაცემებით ფონდის ბაზაზე 12 საქველმოქმედო სკოლაა, სადაც სრულიად უფასოდ ხელოვნების სხვადასხვა მიმართულებას ეუფლებიან დროებით გადაადგილებული ბავშვები. ასევე, რაც ძალიან მნიშვნელოვანია ჩვენი ფონდისთვის, რომ სკოლებში საქართველოს ოკუპირებული ტერიტორიიდან დევნილი 300-მდე პედაგოგია დასაქმებული. ჩვენი მიზანია დევნილ ბავშვებს ხელოვნების სხვადასხვა მიმართულებები შევასწავლოთ და დაინტერესების შემთხვევაში იქნებ მომავალი პროფესიონალებად ჩამოყალიბდნენ", - ამბობს, ფონდ "ხელოვანები თანადგომისთვის" თავჯდომარე, ციცი იაშვილი.
შეგახსენებთ, რომ ანსამბლი "სუხიშვილები" საქველმოქმედო კონცერტი ორდღიანია და ის დღეს დასრულდება.
მიმაგრება:  |
|
კატეგორია: News - ახალი ამბები |
ნანახია: 676 |
დაამატა: Germana
| ტეგები:
| რეიტინგი: 0.0/0 |
 |
