მთავარი » 2011 » მაისი » 15 » კობიაშვილის გოლი, იაშვილის საგოლე
20:45 კობიაშვილის გოლი, იაშვილის საგოლე |
 გერმანიის II ბუნდესლიგის ბოლო ტური საქართველოს ეროვნული ნაკრების წამყვანი ფეხბურთელებისთვის იღბლიანი გამოდგა - ლევან კობიაშვილმა "ჰერტაში" გოლი გაიტანა, ალექსანდრე იაშვილმა კი "კარლსრუეში" საგოლე პასი გაახერხა.
"კობის" "ჰერტას" ისედაც განაღდებული ჰქონდა პირველი ადგილი, მაგრამ არ მოეშვა და ბოლო ტურში მოგებით ასიამოვნა საკუთარი გულშემატკივრები. ბერლინელებმა შინ 2:1 სძლიეს მე-2 ადგილზე გასულ და ასევე ბუნდესლიგაში გადასულ "აუგსბურგს".
კობიაშვილმა სრულად ითამაშა და 74-ე წუთზე გადამწყვეტი გოლი გაიტანა პენალტით. მოკლედ, "ჰერტას" წარმატებული სეზონის აკორდი ქართველისა იყო. 32 მატჩი, 3 გოლი, ერთი საგოლე პასი - ასეთია "კობის" სეზონური მონაგარი "ჰერტაში".
ბეწვზე გადარჩა "კარლსრუე", რომელმაც შინ 3:2 აჯობა "უნიონ ბერლინს". კარლსრუელთა ქართველმა კაპიტანმა ალექსანდრე იაშვილმა 90 წუთი ითამაშა და ანგარიში სწორედ მისი საგოლე პასის შემდეგ გაიხსნა. იაშვილის გუნდი მე-15 ადგილზე გავიდა და ცოტა დააკლდა, თორემ ფლეი-აუტში მოუწევდა ბრძოლა.
31 მატჩი, 7 გოლი, 8 საგოლე პასი - ეს "იაშის" სეზონური მონაგარია
მიმაგრება:  |
|
კატეგორია: Sports - სპორტი |
ნანახია: 674 |
დაამატა: iakobi
| ტეგები:
| რეიტინგი: 0.0/0 |
 |
