მთავარი » 2011 » მაისი » 15 » 17-წლამდელები - ჰოლანდია ევროპის ჩემპიონია
20:57 17-წლამდელები - ჰოლანდია ევროპის ჩემპიონია |
 სერბეთში დასრულდა 17-წლამდელთა ევროპის ჩემპიონატის ფინალური ეტაპი - კონტინენტის ტრიუმფატორი ჰოლანდია გახდა, რომელმაც ფინალში გერმანიას 5:2 სძლია. "ნარინჯისფერები" პირველად გახდნენ 17-წლამდელებში ევროჩემპიონები.
გეცოდინებათ, სერბეთში 8 გუნდმა ითამაშა - მასპინძელთა ნაკრები, საფრანგეთი, ჩეხეთი და რუმინეთი ჯგუფში დარჩნენ, ახლა კი ნახევარფინალებსა და ფინალზე.
ნახევარფინალები
დანია-გერმანია 0:2
გოლები: 0:1 აიჰანი (58), 0:2 კუაშნერი (68).
ჰოლანდია-ინგლისი 1:0
გოლი: 1:0 ებესილიო (25).
ფინალი
ჰოლანდია-გერმანია 5:2
გოლები: 0:1 იესილი (8), 1:1 ვილიენა (23), 1:2 აიდინი (32), 2:2 ვილიენა (34), 3:2 დეპაი (47), 4:2 კონგოლო (52), 5:2 ებესილიო (78).
ბომბარდირები:
3 - კაილ ებესილიო (ჰოლანდია), სამედ იესილი (გერმანია), ალამ ჰოუპი (ინგლისი).
ჰოლანდიას ფინალამდე გოლი არ გაუშვია, გერმანიასთან კი პირველ ტაიმში ორჯერ აგებდა, მაგრამ ორჯერვე გაათანაბრა - შესვენების შემდეგ, "ნარინჯისფერები" ვერ გააჩერეს და საბოლოოდ, მატჩი ფინალისთვის შეუფერებელი ანგარიშით - 5:2 დასრულდა.
აღსანიშნავია, რომ ჰოლანდია-გერმანია ჯგუფშიც შეხვდნენ ერთმანეთს და ბენილუქსელმა ჭაბუკებმა იქაც მოიგეს - 2:0.
ცნობისათვის, შარშან, 17-წლამდელთა ევროჩემპიონი ინგლისი გახდა. უშუალოდ 17-წლამდელთა ჩემპიონატი 2002 წლიდან იმართება (მანამდე, 16-წლამდელებისა იყო) და მხოლოდ ესპანეთს მოუგია ორჯერ, თითოჯერ კი ტრიუმფატორები გახდნენ შვეიცარია, პორტუგალია, საფრანგეთი, თურქეთი, რუსეთი, გერმანია, ინგლისი და ახლა უკვე ჰოლანდიაც.
მიმაგრება:  |
|
კატეგორია: Sports - სპორტი |
ნანახია: 615 |
დაამატა: iakobi
| ტეგები:
| რეიტინგი: 0.0/0 |
 |
