მთავარი » 2011 » მაისი » 15 » "ბარსელონა" არ გაასაჩივრებს პინტოს დისკვალიფიკაციას
21:59 "ბარსელონა" არ გაასაჩივრებს პინტოს დისკვალიფიკაციას |
 ჩემპიონთა ლიგის პირველ ნახევარ-ფინალურ მატჩში, რომელიც ”სანტიაგო ბერნაბეუზე” გაიმართა, პინტომ წითელი ბარათი მიიღო. აღსანიშნავია, რომ მან ეს მოედანზე შემოსვლის გარეშე მოახერხა. <!--filter:საქმე ისაა-->საქმე ისაა<!--/filter-->, რომ თამაშის პირველი ნახევრის დასრულების შემდეგ, როდესაც ფეხბურთელები გასახდელისკენ მიდიოდნენ, არბელოასა და კეიტას შორის უთანხმოება მოხდა. საქმეში კლუბების წარმომადგენლები და ფეხბურთელებიც ჩაერივნენ. მადრიდელთა ოფიციალური წარმომადგენელი პინტოს ყელში წვდა. ამაზე ”ბარსას” სათადარიგო მეკარემ არ დააყოვნა და მეტოქეს ხელი დაარტყა, რის გამოც ის თამაშის მთავარმა არბიტრმა მოედნიდან გააძევა.
”უეფას” კონტროლისა და დისციპლინარულმა კომიტეტმა პინტოს მიმართ საჯარიმო სანქციები გაატარა. ფეხბურთის უწყებამ მას ჩემპიონთა ლიგაზე სამ მატჩიანი დისკვალიფიკაცია მიანიჭა.
"ბარსელონას" ხელმძღვანელობას გადაწყვეტილი ჰქონდა, რომ "უეფას" გადაწყვეტილება გაესაჩივრებია, თუმცა მოგვიანებით მათ პოზიცია შეცვალეს და სარჩელი უკან გამოითხოვეს.
მიმაგრება:  |
|
კატეგორია: Sports - სპორტი |
ნანახია: 644 |
დაამატა: iakobi
| ტეგები:
| რეიტინგი: 0.0/0 |
 |
