მთავარი » 2011 » მაისი » 23 » “ჩელსიმ” ანჩელოტი დაითხოვა
17:52 “ჩელსიმ” ანჩელოტი დაითხოვა |
51 წლის იტალიელი სპეციალისტი კარლო ანჩელოტი, ლონდონის "ჩელსის” მთავარი მწვრთნელი აღარაა. აღნიშნული ინფორმაცია ინგლისური კლუბის მიერ უკვე დადასტურებულია.
"საფეხბურთო კლუბი ჩელსი ადასტურებს, რომ კვირას, ოცდაორ მაისს, კარლო ანჩელოტისთან არსებული კონტრაქტი გაწყდა.
გვსურს, კარლოს მადლობა გადავუხადოთ იმ წარმატებებისთვის, რომლებთანაც მან კლუბი 2009 წლის ივლისის შემდეგ მიიყვანა. მათ შორის, იგულისხმება ჩელსის ისტორიაში პირველი დუბლი.
ვინაიდან, 2010-11 წლების სეზონმა ჩვენი მოლოდინი ვერ გაამართლა, მართებულად მივიჩნევთ, მომდევნო სეზონისთვის სამწვრთნელო შტაბში ცვლილებები განვახორციელოთ.
"სტემფორდ ბრიჯის” კარი ანჩელოტისთვის ყოველთვის ღია იქნება. იგი ღირსეულ ადგილს დაიმკვიდრებს ჩვენი გუნდის ისტორიაში.
ჩელსის გეგმები და ამბიციები უცვლელია. ახლა, ჩვენი უმთავრესი საზრუნავი ახალი მწვრთნელის მოძებნაა” – ასეთი განცხადება გამოქვეყნდა ლონდონური კლუბის ოფიციალურ ვებ-გვერდზე.
ინგლისურ პრესაში გავრცელებული ინფორმაციის თანახმად, შესაძლოა, "ჩელსი” მარკო ვან ბასტენმა ჩაიბაროს.
მიმაგრება:  |
|
კატეგორია: Sports - სპორტი |
ნანახია: 649 |
დაამატა: iakobi
| ტეგები:
| რეიტინგი: 0.0/0 |
 |
