მთავარი » 2011 » მაისი » 23 » თითქმის - ასათიანი ისევ კიევის "დინამოში"!
22:18 თითქმის - ასათიანი ისევ კიევის "დინამოში"! |
თითქმის გადაწყვეტილია, რომ მალხაზ ასათიანი ზაფხულში კიევის "დინამოს" ფეხბურთელი გახდება. როგორც "მსოფლიო სპორტმა" სანდო წყაროდან შეიტყო, მოლაპარაკებები წარმატებით დასრულდა და ახლა მხოლოდ დეტალებიღაა დარჩენილი - ანუ, კონტრაქტი ჯერ არ გაფორმებულა, თუმცა, არც არაფერი აკლია. შეხსენებისთვის, 29 წლის ქართველ მცველს ნოემბრის შემდეგ გუნდში არ უთამაშია - მოსკოვის "ლოკომოტივთან" განშორების მერე, უკლუბოდ გახლდათ და მართალია, სხვადასხვა რუსულ კლუბებში გადასვლაზე ლაპარაკი არ წყდებოდა, მაგრამ "ასკა" ბოლო თვეების განმავლობაში უთამაშებელი დარჩა. კიევის "დინამოს" იური სიომინი წვრთნის, რომელიც მალხაზის შესაძლებლობებს მშვენივრად იცნობს და ერთად არაერთი სეზონი გაუტარებიათ. "ასკამ" ერთი წელი (2008/2009) გაატარა სიომინის გაწვრთნილ "დინამოში" და უკრაინის ჩემპიონიც გახდა, პლუს, ჩემპიონთა ლიგაშიც ითამაშა. ასე რომ, თუ რაიმე გაუთვალისწინებელი არ მოხდა, ასათიანი ნაცნობ გუნდში ნაცნობ მწვრთნელთან განაგრძობს კარიერას.
მიმაგრება: |
კატეგორია: Sports - სპორტი |
ნანახია: 657 |
დაამატა: iakobi
| ტეგები:
| რეიტინგი: 0.0/0 |
|