მთავარი » 2011 » მაისი » 23 » როსი "ვილიარეალში" აღარ დაბრუნდება?
23:46 როსი "ვილიარეალში" აღარ დაბრუნდება? |
ჯუზეპე როსი უკვე გაემგზავრა რომში, სადაც დასვენების შემდეგ შეუერთდება იტალიის ეროვნულ ნაკრებს. ამის შემდეგ უკვე დიდი კითხვის ნიშნის ქვეშ დადგა საკითხი, დაბრუნდება თუ არა იტალიელი ძველ კლუბში.
როსიმ ესპანურ კლუბს რამდენიმე დღიანი შვებულება მოსთხოვა, რათა ხანგრძლივი სეზონის შემდეგ დასვენება მოასწროს და მომზადებული შეხვდეს ნაკრების თამაშებს.
იტალიელმა თავდამსხმელმა ამ სეზონში საუკეთესო შედეგი აჩვენა ბოლო ოთხი წლის განმავლობაში. მის ანგარიშზე 31 გოლია ოფიციალურ მატჩებში: 18 "ლა ლიგაში", 10 ევროპის ლიგაზე, ხოლო 3 ესპანეთის სამეფო თასზე.
ეს სეზონი ასევე გამორჩეულია როსისთვის, რადგან შესაძლო სულ მალე იგი რომელიმე ტოპ-გრანდის საკუთრება გახდეს. მათ შორის ფეხბურთელის გადაბირებასთან ყველაზე ახლოს კატალონიური "ბარსელონაა".
ამ საკითხთან დაკავშირებით, ფეხბურთელმა განაცხადა: "მე იმდენივე ვიცი, რამდენიც რიგითმა ფანმა, რადგან ჯერჯერობით არავინ დამკავშირებია".
როსის მწვრთნელმა, ხუან კარლოს გარიდომ განაცხადა: "ლოგიკურია, რადგან როსი უკვე რამდენიმე სეზონს უმაღლეს დონეზე ატარებს. მე ვიცოდი, რომ ოდესმე ეს დღეც დადგებოდა და ჩვენი კლუბი მიიღებდა შემოთავაზებას რომელიმე გრანდისგან".
ეს პირველი შემთხვევაა, როდესაც "ვილიარეალმა" იტალიელის ტრანსფერი ახსენა, მას შემდეგ რაც მასთან კონტრაქტი გაახანგრძლივე 2016 წლამდე. როსის კონტრაქტის გამოსასყიდი თანხა 50 მილიონი ევროა.
შეგახსენებთ, რომ ზამთრის სატრანსფერო პერიოდში ინგლისურმა "ტოტენჰემმა" 33 მილიონიანი შეთავაზება გაუკეთა "ვილიარეალს", მაგრამ ესპანელებმა უარი განაცხადეს ფეხბურთელის გაშვებაზე. ზამთრისგან განსხვავებით, სიტუაცია რადიკალურად შეიცვალა, ამიტომ არავისთვის მოულოდნელი არ უნდა იყოს, თუ რამდენიმე დღეში რომელიმე კლუბის საიტზე ოფიციალური განცხადება გამოქვეყნდება, რომელიც იტალიელი ფორვარდის კლუბის შეცვლას შეგვაყობინებს.
მიმაგრება:  |
|
კატეგორია: Sports - სპორტი |
ნანახია: 644 |
დაამატა: iakobi
| ტეგები:
| რეიტინგი: 0.0/0 |
 |
