მთავარი » 2011 » მაისი » 23 » შედეგების გაუმჯობესება კატალონიურად
23:48 შედეგების გაუმჯობესება კატალონიურად |
გადის წამები, წუთები, საათები ... გადის დღეები, თვეები, წლები ... "ბარსა" კი არ ჩერდება და რეკორდს რეკორდზე ამყარებს. არ ჩერდება და ქმნის ახალ პატარა, თუ დიდ ისტორიას. არ ჩერდება აჩვენებს ისეთ შედეგებს, რომელთა გამეორება მომავალი თაობის შემადგენლობებს ძალიან, ძალიან გაუჭირდებათ...
- პეპ გვარდიოლას შეგირდები წელს გასვლით შეხვედრებში ძალიან კარგად გამოიყურებოდნენ, რაც შედეგზეც აისახა. "მალაგას" დამარცხებით მათ მ სეზონში მეთოთხმეტე გასვლითი შეხვედრა მოიგეს, რაც ნიშნავს იმას, რომ 2008/09 წლებში ნაჩვენები შედეგი (13 მატჩი) გაუმჯობესებულია.
- გვარდიოლას მწვრთნელობის პირველ წელს კატალონიელბმა საკუთარ მოედანზე ზედიზედ 9–ჯერ მოახერხეს გამარჯვების მოპოვება, ხოლო წელს ეს შედეგი 10–მდე გაიზარდა.
- "ბლაუგრანელებმა" გასვლით შეხვედრებში 14 გამარჯვების, 4 ფრისა და "რეალ სოსიედადთან" მარცხის დამსახურებით 46 ქულა მოიპოვეს, როდესაც გასულ წელს ფეხბურთელებმა 44 ქულის "მოძიება" მოახერხეს.
- "პრიმერას" წლევანდელ სეზონში "ბარსას" ფეხბურთელემა მეტოქის კარის დალაშქვრა 95–ჯერ მოახერხეს, ხოლო ვალდესისა და პინტოს კარში მხოლოდ 21 გოლი გავიდა (+74). ეს შედეგი 2009/10 წლების სეზონში დაფიქსირებული შედეგის იდენტურია. უბრალოდ ერთი განსხვავებით – მაშინ კატალონიელებმა 98 გოლი გაიტანეს, ხოლო საკუთარ კარში 24 მიიღეს.
- გატანილი გოლების 74% "ბარსას" აღზრდილი ფეხბურთელების ანგარიშზეა.
- მოგეხსენებათ მსოფლიოს საუკეთესო ფეხბურთელმა, ლეო მესიმ ამ სეზონში "ბარსას" მაისურით 52 გოლის გატანა შეძლო, რაც ნიშნავს იმას, რომ მან რონალდო ლუის ნაზარიოს შედეგი (47 გოლი) უკან ჩამოიტოვა. ახლა კი ლეოს წინ "უემბლის" მოედანზე აღმართული საფეხბურთო კარები ელის...
მიმაგრება:  |
|
კატეგორია: Sports - სპორტი |
ნანახია: 641 |
დაამატა: iakobi
| ტეგები:
| რეიტინგი: 0.0/0 |
 |
