მთავარი » 2011 » მაისი » 23 » წარმატებული წარმატებულის პირისპირ
23:53 წარმატებული წარმატებულის პირისპირ |
 შაბათს პეპ გვარდიოლა და სერ ალექს ფერგიუსონის გუნდები ერთმანეთს დაუპირისპირდებიან. გუნდების დაპირისპირების გარდა უდიდეს ინტერესს იწვევს თავად ამ მწვრთნელების დუელიც. მიუხედავად ამისა, ესპანელი სპეციალისტი ახლოსაც კი ვერ მივა შოტლანდიელ მწვრთნელთან, თუ გავითვალისწინებთ მათ გამოცდილებას. ფერგიუსონი უკვე 25 წელია, რაც მანჩესტერულ კლუბს უდგას სათავეში, ხოლო გვარდიოლა მხოლოდ და მხოლოდ მესამე სეზონია, რაც "ბარსელონას" მთავარი მწვრთნელის სახელით სარგებლობს.
პეპი ჯერ კიდევ ახალბედაა მწვრთნელებს შორის. სამი წლის წინ არავის ეგონა, რომ ასეთი გამოუცდელი თავკაცი მოახერხებდა ხეირიანად ისეთი გრანდის გაწვრთნას, როგორიც "ბარსაა". განსხვავებული სიტუაციაა ინგლისელებთან, სერ ალექს ფერგიუსონი უკვე საუკუნის მეოთხედია, რაც "მანჩესტერს" მართავს და მისი პოზიცია კლუბში შეურყეველი და ხელშეუხებელია.
ფერგიუსონი, 36 ტიტული 25 წელიწადში
შოტლანდიელი ბოლო 25 წლის განმავლობაში "ოლდ ტრაფორდის" ლეგენდად იქცა. მან ამ დროის განმავლობაში 36 ტიტული მოგიო: 12 პრემიერ ლიგა, 2 ჩემპიონთა ლიგა, 9 საზოგადოებრივი თასი, საფეხბურთო ასოციაციის 5 თასი, კარლინგის 4 თასი, 2 მსოფლიო ჩემპიონატი კლუბთა შორის, თასის მფლობელთა 1 თასი და ევროპის სუპერ-თასი. შოტლანდილემა 2006-2009 წლებში ზედიზედ მოიგო ინგლისის ჩემპიონატი.
გვარდიოლა, 3 ტიტული სეზონში
2008 წელს "ნოუ კამპზე" ახალი, გამოუცდელი და ახალგაზრდა მწვრთნელი, პეპ გავრდიოლა მოვიდა. ვერავინ იფიქრებდა, რომ სამი სეზონის შემდეგ კატალონიური კლუბის 9 ტიტულს დაეუფლებოდა ამ კაცის თავკაცობით. აღსანიშნავია, რომ ესპანელი სპეციალისტის მოსვლის შემდეგ "ლა ლიგის" ტიტული კატალონიელებისთვის არავის არ წაურთმევია. ასეთი სტატისტიკა "ბარსელონას" არც ერთ ყოფილ მწვრთნელს არ ჰქონია. პეპის "ბარსამ" 1 ჩემპიონთა ლიგა, ესპანეთის თასი, ესპანეთის 2 სუპერ-თასი, ევროპის სუპერ-თასი და მსოფლიო ჩემპიონატი კლუბებს შორის მოიგო.
თუ საშუალოდ გამოვითვლით, პეპ გავრდიოლას ვეტერან მოწინააღმდეგესთან შედარებით ადვილად შესამჩნევი უპირატესობა აქვს. შოტლანდიელი წელიწადში საშუალოდ 1.44 ტიტულს იგებს, ხოლო გვარდიოლა გაცილებით მეტს, 3 ტიტულს.
მიმაგრება:  |
|
კატეგორია: Sports - სპორტი |
ნანახია: 628 |
დაამატა: iakobi
| ტეგები:
| რეიტინგი: 0.0/0 |
 |
