მთავარი » 2011 » მაისი » 24 » გვარდიოლას პრეს–კონფერენცია
12:13 გვარდიოლას პრეს–კონფერენცია |
ხოსეპ გვარდიოლამ პრეს–კონფერენციაზე განაცხადა, რომ მის გუნდს წარმატების მიღწევა სწყურია შაბათს: "მე მსურს, რომ მათ ახსოვდეთ რისთვის თამაშობენ". განაცხადა მან "კამპ ნოუს" საპრესკონფერენციო დარბაზში.
პეპი თვლის, რომ მხოლოდ ტაქტიკა და სათამაშო სტილი ვერაფერს გახდება, თუ ფეხბურთელებს არ ექნებათ შესაბამისი დამოკიდებულება მოგებასა და წაგებასთან: "მე მსურს, რომ მათ ახსოვდეთ რისთვის თამაშობენ. ძალიან ბევრი ტიტულარი ფეხბურთელია ჩვენს გუნდში და თუ მართ სურთ ტიტულების კიდევ მოგება, მაშინ თავი არ უნდა დაზოგონ. მათი მიზანი, გახდნენ ევროპის ჩემპიონატი, იქნება წარმატების საწინდარი".
მან მაგალითად მოიყვანა 2009 წლის ფინალში მომხდარი შეცდომა, როდესაც ვალდესისგან მიღებული ბურთი პიკემ "უინაიტედის" ფეხბურთელს, პარკს, ჩააბარა: "ყველა ფეხბურთელის თავში მხოლოდ გამარჯვებისკენ სწრაფვა უნდა ტრიალებდეს".
ფავორიტი არ არსებობს
კითხვაზე, თვლიდა თუ არა გვარდიოლა საკუთარ გუნდს ფავორიტად, მან უპასუხა: "ძალიან თავხედი ვიქნებოდი, თუ საკუთარ თავს ნებას მივცემდი ფავორიტად "ბარსა" დაესახელებინა "მანჩესტერ იუნაიტედის" წინააღმდეგ. გუნდის, რომელმაც 4 წლის განმავლობაში 3 ფინალი ითამაშა და 28 მაისის ფინალიც ლონდონში იმარტება. თუ ჩემი ფეხბურთელები თავს ფავორიტებად ჩათვლიან, მაშინ ვიტყვი, რომ ისინი ცდებიან ისე, როგორც არასდროს". განაცხადა პეპმა.
კარგი ფინალის მოლოდინში
პეპი ფიქრობს, რომ "უემბლის" ფინალი იქნება "შესანიშნავი ფინალი, მაგრამ არ ვიცით რა მოხდება. შიშის ფაქტორი წაგების საწინდარია". გვარდიოლამ ხოტბა შეასხა სერ ალექსის შეგირდებს: "ჩვენ უნდა გავიაზროთ რას გააკეთებს "იუნაიტედი". პარკი, ნანი, რუნი, ჩიჩარიტო, ვალენსია... ისინი უძლიერესი ფეხბურთელები არიან. გუნდის ყველაზე საშიში ბირთვი. მათ შეუძლიათ შეხვედრის ბედის გადაწყვეტა. "მანჩესტერ იუნაიტედი" ერთ–ერთი საუკეთესო გუნდია მსოფლიოში".
2009 წელი
გვარდიოლამ განაცხადა, რომ რომის ფინალს მან რამდენჯერმე უყურა: "ჩვენ დავსხედით და ვუყურეთ რომის ფინალს. "მანჩესტერმა" პირველ ტაიმში დაგვჯაბნა და მხოლოდ 1 მომენტი შევქმენით, რომელიც ეტო'ომ გოლად გარდასახა. მეორე ნახევარში კი სადავეები ხელთ ვიგდეთ. ერთნაირ დონზე იყვნენ "ბარსელონაც" და "მანჩესტერიც"–ძალიან კონკურენტუნარიანები და ძლიერები".
ვულკანის კვამლი
"ჩვენ გადავწყვიტავთ რა მოვიმოქმედოთ. სავარაუდოდ ოთხშაბათს ან ხუთშაბათს გავემართებით "უემბლიზე", რათა ყოველგვარი ინციდენტი თავიდან ავიცილოთ. იმედი მაქვს, მხოლოდ ფეხბურთელები არ ჩავლენ ლონდონში და კვამლი ფანებს ხელს არ შეუშლის საავიაციო რეისებში. ფინალი თავის ეფექტს დაკარგავს იმ შემთხვევაში, თუ ნახევარი ტრიბუნა ცარიელი იქნება".
მიმაგრება:  |
|
კატეგორია: Sports - სპორტი |
ნანახია: 601 |
დაამატა: iakobi
| ტეგები:
| რეიტინგი: 0.0/0 |
 |
