მთავარი » 2011 » მაისი » 24 » ალვეშის ინტერვიუ
|
 "ბარსელონას" შეუძლია იამაყოს იმით, რომ გუნდში თამაშობს 2010 წლის 3 საუკეთესო ფეხბურთელი: ჩავი, ინიესტა და მესი. თუმცა "ბარსაში" თამაშობს დაუღალავი ენერგიის მქონდე ბრაზილიელი, დანიელ ალვეში, რომელიც მუდამ ეხმარება ამ ტრიოს. ალვეშმა ინტერვიუ მისცა "ფიფას" ოფიციალურ საიტს.
"ფიფა": ადვილად გაიარეთ "ბარსელონაში" ადაპტაცია, როდესაც 2008 წლის ივლისში შეუერთდით ტალანტებით დახუნძლულ გუნდს?
ალვეში: პატიოსნად გეტყვით, რომ ძალიან ადვილი იყო ეს ყველაფერი. თავს ისე ვგრძნობდი, როგორც საკუთარ სახლში. მე გუნდის დასახმარებლად მივედი, რადგანაც იმ დროს კარგი პერიოდი არ ედგა "ბარსას". ეს იყო გუნდი, რომელმაც მიაღწია მწვერვალებს და აღარ შეეძლო თავის მყარად შემაგრება. ისინი ცდილობნენ ცვლილებები შეეტანათ გუნდში, რაც მე მოტივაციას მმატებდა. კარგი შესაძლებლობა მქონდა გადავსულიყავი ისეთ გუნდში, რომელიც შენების გზაზე იყო. ვიცოდი, რომ ძალიან დიდი შანსი მქონდა კლუბის ისტორიაში შევსულიყავი, გავმხდარიყავი ისტორიული გამარჯვებების მონაწილე.
"ფიფა": რამდენად დაგეხმარათ პეპ გვარდიოლა ადაპტაციაში?
ალვეში: გვარდიოლა სენსაციური პიროვნებაა. ფეხბურთელების დროსაც მას მწვრთნელის თვისებები ახასიათებდა, იქცეოდა ისე, როგორც ნამდვილ ბოსს შეეფერებოდა. პეპი გონიერი კაცია, ყველა ფეხბურთელს კარგად იცნობს და იცის, რა უნდა მათ. ვიცით, რომ ის ყოველთვის ჩვენს მხარეს იქნება. როდესაც გადმოვედი, საუბარი მქონდა გვარდიოლასთან და შოკში ვიყავი. მან დამიძახა და მითხა: "არ მსურს, რომ შენი თამაშის სტილი შეცვალო". მან რამდენიმე დეტალზე გამამახვილებინა ყურადღება, რაც გასაუმჯობესებელი მქონდა. მან ასევე მითხა: "არ ინერვიულო. ითამაშე ისე, როგორც ამას ადრე აკეთებდი, სწორედ ამიტომ აგირჩიე". ფეხბურთელს ასეთი მოქცევა ყოველთვის მოტივაციას მატებს. დიდი მადლობა პეპს იმიტომ, რომ მან დიდი როლი ითამაშა ჩემს აქ მოსვლაში.
"ფიფა": როგორ შეაფასებდით მოახლოვებულ მატჩს "მანჩესტერ იუნაიტედთან"?
ალვეში: წარმომიდგენია, თუ როგორ თამაშობს ორივე გუნდი გახსნილ ფეხბურთს. ჩვენც და ისინიც შეტევითი პოტენციალის მქონდე გუნდები ვართ და ვითამაშებთ შეტევებზე და შანსების გამოყენებაზე. დარწმუნებული ვარ, რომ შესანიშნავ სანახაობას ვნახავთ, რადგანაც შაბათს იქ მსოფლიოს ორი საუკეთესო კლუბი მოიყრის თავს.
მიმაგრება:  |
|
კატეგორია: Sports - სპორტი |
ნანახია: 624 |
დაამატა: iakobi
| ტეგები:
| რეიტინგი: 0.0/0 |
 |
