”მანჩესტერ იუნაიტედის” მთავარმა მწვრთნელმა, ალექს ფერგიუსონმა ”ბარსელონასთან” გასამართი ფინალური მატჩის წინ განაცხადა, რომ ფავორიტის სტატუსი ესპანელებს არაფერში დაეხმარება.
”ამ მატჩის წინ უპირატესობა არცერთ გუნდს არ აქვს. არა აქვს მნიშვნელობა ვინ არის ფავორიტი. ჩვენ ასეთი ფაქტები არ გვაინტერესებს. ვიცი ერთი რამ, ფინალისთვის ჩემი ფეხბურთელები მზად იქნებიან. ძალიან კარგად მახსოვს 1/2 ფინალური შეხვედრები ”ბარსელონასთან” 2008 წელს, მაშინ ჩვენ მოედანზე ფანტასტიკური კონცენტრაცია ვაჩვენეთ. ეს ამ თამაშში გამარჯვების გასაღებია. ჩვენ უკვე 3-ჯერ ვეთამაშეთ ”ბარსელონას”, რაც მათ შემადგენლობაში ასპარეზობს ლეო მესი. საჭიროა ყველა ფეხბურთელის განეიტრალება. იმედი მაქვს, რომ ჩვენ სწორ გადაწყვეტილებას მივიღებთ, რათა იგივე რამ მესის გავუკეთოთ. გუნდში ძალიან კარგი ფეხბურთელები მყავს შეკრებილი. დარწმუნებული ვარ ”ბარსელონა” ამას ხვდება” - ფერგიუსონის სიტყვებს ”The Guardian” ციტირებს.