მთავარი » 2011 » მაისი » 26 » რაულ აგნე - ლუის ენრიკეს შემცვლელი?..
08:29 რაულ აგნე - ლუის ენრიკეს შემცვლელი?.. |
"სეგუნდა დივიზიონში" მოასპარეზე გუნდის, "ხირონას" მთავარი მწვრთნელი შესაძლოა 2011/12 წლების სეზონიდან "ბარსა ბ"–ს ფეხბურთელთა დამრიგებლის რანგში მოგვევლინოს. გავრცელებული ჭორების თანახმად, კატალონიურ კლუბს კონტრაქტი უკვე მზად აქვს, რომელსაც მხოლოდ და მხოლოდ რაულ აგნეს ხელმოწერა აკლია...
მოგეხსენებათ რამდენიმე კვირის წინ კატალონიის "ბარსელონას" ყოფილმა კაპიტანმა და "ბარსა ბ"–ს წვრთნელმა, ლუის ენრიკემ განაცხადა, რომ იგი გუნდს სეზონის დასრულებისთანავე დატოვებდა. ლუისის დიდი დამსახურებით, ახალგაზრდა კატალონიელებმა მოახერხეს და შარშან "სეგუნდა დივიზიონში" გადმოვიდნენ. წელს კი ჩემპიონატის დასრულებამდე 2 ტურით ადრე, მის გუნდს 65 ქულა აქვს და ცხრილშიც მეოთხე ადგილთან მეგობრობს. ლუისის ქებას მერეც მოვასწრებთ და ახლა "ხირონას" მთავარ მწვრთნელზე, რაულ აგნეზე გადავიდეთ.
რაულ აგნე სარაგოსას მახლობლად დაიბადა. მან თავისი საფეხბურთო კარიერის უმეტესი დრო კატალონიაში გაატარა. საფეხბურთო კარიერასთან ერთად კი სამწვრთნელო კარიერაც კატალონიასთან ასოცირდება. მან ფეხბურთელის რანგში "ფიგერესის", "ხირონასა" და "პალამოსის" ღირსების დაცვა მოახერხა. მისი სამწვრთნელო კარიერა კი კატალონიასთან "ხირონას", "პალამოსისა" და "უელვას" "დახმარებითაა" კავშირში. ახლა კი გავრცელებული ჭორების თანახმად, შესაძლოა იგი ლუის ენრიკეს შემცვლელადაც მოგვევლინოს.
მიმაგრება: |
კატეგორია: Sports - სპორტი |
ნანახია: 655 |
დაამატა: iakobi
| ტეგები:
| რეიტინგი: 0.0/0 |
|