მთავარი » 2011 » მაისი » 28 » „შიშველი გიჟი“ YouTube-ის „ვარსკვლავი“ გახდა
11:54
„შიშველი გიჟი“ YouTube-ის „ვარსკვლავი“ გახდა
ნიუ-იორკის მეტროპოლიტენში პოლიციამ არაორდინალური დამნაშავე დააკავა. ფსიქიურად დაავადებული მამაკაცი, რომელიც მეტროს მგზავრებს შეურაცჰყოფას შიშველ მდგომარეობაში აყენებდა, ერთ-ერთი თვითმხილველის ვიდეოჩანაწერზე აღიბეჭდა და გამოქვეყნებისთანავე YouTube-ის „ვარსკვლავი" გახდა. ინტერნეტ-საიტის The Smoking Gun-ის ცნობით, ინციდენტი 2 მაისს მოხდა. ახალგაზრდა მამაკაცი საზოგადოებრივ ტრანსპორტში გაშიშვლდა. ამ ქმედებას რასისტული შინაარსის ლოზუნგებიც დაერთო. თუმცა ინციდენტი ამით არ ამოწურულა. დამნაშავემ გამვლელებზე იერიშიც განახორციელა. ერთ-ერთ ქალბატონს მან ხელიდან ჩანთა გამოსტაცა, შემდეგ, კი მამაკაცის ლიანდაგებზე ჩაგდება სცადა. საბოლოოდ, ახალგაზრდა მამაკაცი სამართალდამცავმა დააკავა. შედეგად პოლიციელმა სხეულის მსუბუქი დაზინებები მიიღო. მოგვიანებით გაირკვა, რომ 41 წლის მამაკაცი ფსიქიურად დაავადებული აღმოჩნდა. ის ამჯერად ლინკოლნის სახელობის ჰოსპიტალში მკურნალობას გადის. „შიშველი მოძალადისთვის" ბრალდებები ჯერ არ წაუყენებიათ.
