დადგა გაზაფხული-განახლების დრო. გინდათ უკეთესად იგრძნოთ თავი, ცხოვრება გაიხალისოთ? მიჰყევით შემოთავაზებულ მარტივ და სასიამოვნო რჩევებს.
1. დილაობით შხაპს რომ ვიღებთ, კანს ვისუფთავებთ, მაგრამ გაწმენდა-გასუფთავება ჩვენს შინაგან ორგანოებსაც სჭირდება, ყოველ დილით უზმოზე დალიეთ ერთი ჭიქა ანადუღარი წყალი შიგ გახსნილი 1 ჩაის კოვზი ვაშლის ძმრითა და 1 ჩაის კოვზი თაფლით.
2. შეიტანეთ თქვენს ყოველდღიურ რაციონში ბიფიდობაქტერიებიანი უცხიმო რძის პროდუქტები, (უმჯობესია კეფირი) და სვით ის დაძინებამდე 2 საათით ადრე. კეფირი მოგიწესრიგებთ კუჭ-ნაწლავის მოქმედებას, კეთილისმყოფელად იმოქმედებს გულსა და სისხლძარღვებზე.
3. შაქარი თავფლით ჩაანაცვლეთ. თაფლი სასარგებლო ნივთიერებების საბადოა, თავად განსაჯეთ, იგი შეიცავს კალციუმს, ნატრიუმს, ფოსფორს, ცინკს, ფიტონციდებს (ეს ნივთიერებები ბუნებრივ ანტიბიოტიკებს წარმოადგენს). თაფლი ანელებს დაბერების პროცესს, აუმჯობესებს ნივთიერებათა ცვლას. მიირთვის ჩაი თაფლით (ოღონდ თაფლს ჩაიში ნუ ჩაამატებთ- ცხელ სითხეში ყველა სასარგებლო თვისება იკარგება)
4.იმისათვის, რომ ყველაფრის მიუხედავად, დღემ ხალისიანად ჩაიაროს, დილიდანვე შეიქმენით კარგი განწყობილება. ფსიქოლოგები ამ ვარჯიშს ,,სარკით მუშაობას" უწოდებენ. დაგჭირდებათ სარკე, რომელშიც მთელი ტანით გამოჩნდებით. დადექით ამ სარკის წინ და ასეთი მონოლოგი წარმოთქვით: ..რა ლამაზი ვარ, რა მშვენიერი თვალები მაქვს, რა ხში თმა, ნაზი კანი და კოხტა ფეხები მაქვს!"
5. ვთქვათ, სამსახურში უფროსმა გიყვირათ, ან მეტროში ფეხი დაგადგეს, ხადია გუნება უმალ წაგიხდებათ, მაგრამ თავს შეუძახეთ, წელში გაიმართეთ, გაიღიმეთ-სწორედ ასე გამოიყუება ბედნიერი ადამიანი. საიდუმლო იმაში მდგომარეობს, რომ როდესაც ,,ბედნიერების პოზას" მიიღებთ, იმპულსები კუნთებიდან ტვინისკენ დაიძვრება და ის ენდომორფინების, ე.წ ,,ბედნიერების ჰორმონების" გამომუშავებას დაიწყებს.
მიმაგრება: |