მთავარი » 2011 » მაისი » 28 » ირაკლი ცირეკიძეს ხელფასი დაუქვითეს
12:56 ირაკლი ცირეკიძეს ხელფასი დაუქვითეს |
 საქართველოს ძიუდოისტთა ნაკრების ყველაზე ტიტულოვანი წევრი, ირაკლი ცირეკიძე საქართველოს ეროვნულმა ოლიმპიურმა კომიტეტმა დასაჯა. დისციპლინასთან დაკავშირებული დარღვევების გამო, ოლიმპიურ და მსოფლიოს ჩემპიონს ერთი თვის ხელფასი დაექვითება.
ცირეკიძეს ამ უქმეებზე მოსკოვის დიდ სლემზე უნდა ეჭიდავა, მაგრამ ნაკრების ხელმძღვანელობამ რუსეთში წასაყვანი განაცხადიდან, ხოლო ტურნირის ორგანიზატორებმა მონაწილეთა წინასწარი სიიდან ბოლო მომენტში ამოიღეს. როგორც გაირკვა, ძიუდოისტს გუნდთან ერთად არც დუშეთის შეკრებაში მიუღია მონაწილეობა და დიდ სლემზე გამგზავრებასაც თავად აარიდა თავი.
უახლოეს დღეებში, ამ საკითხთან დაკავშირებით ოლიმპიური კომიტეტისა და სპორტის სამინისტროს ხელმძღვანელები იმსჯელებენ და ერთობლივ განცხადებასაც გააკეთებენ. შესაძლოა, უკვე გახმაურებულ სასჯელს სხვა ფინანსური სანქციაც დაემატოს.
მიმაგრება:  |
|
კატეგორია: Sports - სპორტი |
ნანახია: 710 |
დაამატა: iakobi
| ტეგები:
| რეიტინგი: 0.0/0 |
 |
