რჩევები ქალებისთვის : სწორად დავარცხნილი თმა,წვრილად
დახატული თვალები,ბუნებრივი ტუჩები.

ფაფუკი,მაგრამ სწორი,ძლიერი და მბზინავი თმა ძალიან სექსუალურია.
ასეთი ეფექტის მისაღწევად გაშრობის დროს თმა დიდი და მრგვალი სავარცხლით
დაივარცხნე.იმისათვის,რომ თმას მოცულობა შეუნარჩუნო და ის ბუნებრიბად
გამოიყურებოდეს - თმის გასასწორებელი უთოთი მხოლოდ ძირები გაისწორე.
თუ თმა იხვევა,გაშრობამდე თმის სპეციალური ჟელე წაისვი.ურჩი კულულების
დამორჩილებას კი მხოლოდ თმის გასასწორებელი ფენის მთელ სიგრძეზე
გამოყენებით მოახერხებ.და ბოლოს,თმაზე ბზინვის მოსამატებელი შრატი
წაისვი.

მხოლოდ წვრილი ლაინერით გაკეთებული მაკიაჟი შენს თვალებს უფრო
მეტად გამოკვეთს.წვრილი ხაზი ზედა ქუთუთოზე,წამწამების გასწვრივ გაავლე
და გარე კუთხე ოდნავ გაასქელე.წარბი თითით ასწიე - ასე კანი დაიჭიმება და
ხაზიც უფრო სწორი გამოვა.ხოლო თუ საკუთარ შესაძლებლობებში ეჭვი გეპარება,
კრემის სტრუქტურის თვალის ჩრდილები და ლაინერის ფუნჯი გამოიყენე -
ასე თვალის დახატვა გაგიადვილდება.

ნატურალური,მბზინავი - თვალებსა და თმაზე გაკეთებულ აქცენტებს
ტუჩები არ უნდა აუფერულებდეს,ამიტომ ნატურალური ფერის პომადა
ან პრიალა საცხი გამოიყენე.თუ ხორბლისფერი კანი გაქვს - რძისფერი,
ატმისფერი პრიალა საცხები აირჩიე,თუ თეთრი ხარ,ვარდისფერი ტონები
მოგიხდება.იმისათვის,რომ ტუჩებმა ბუნებრიობა არ დაკარგოს,პრიალა
საცხი აუცილებლად გამჭირვალე უნდა იყოს.