ეს დიეტა, პრაქტიკულად, არის სასმელებით განტვირთვის დღე, რომელიც, სასურველია, კვირაში ერთხელ ჩაატაროთ

თითოეული სასმელი სასარგებლოა როგორც სახის კანისთვის, ისე ორგანიზმის გასაჯანსაღებლად და, ცხადია, გახდომაშიც შეგიწყობთ ხელს. თან, ყოველგვარი დისკომფორტისა და უსიამოვნო შეგრძნებების გარეშე...

9 საათი: 1 ჩაის ჭიქა რძიანი კაკაო (კაკაო ატენიანებს და ელასტიკურს ხდის როგორც სახის კანს, ისე კანს მთელ სხეულზე).

11 საათი: 1 ჩაის ჭიქა ქაცვის წვენი (ქაცვი აძლიერებს იმუნიტეტს. ქაცვის ნაყოფი შეიცავს 10-ჯერ მეტ C ვიტამინს, ვიდრე ციტრუსები). ქაცვის ზეთი გააზავეთ წყალში ერთი ერთზე.

13 საათი: ნახევარი ჩაის ჭიქა ახალი ღვინო, მასში შემავალი სასარგებლო მჟავები, ზომიერად მიღების შემთხვევაში, აწესრიგებს ნივთიერებათა ცვლას.

14 საათი: 1 ჩაის ჭიქა ბროწეულის წვენი (გაზავებული წყალთან, ნახევარი – ნახევარზე). აწესრიგებს სისხლის მიმოქცევის პროცესს და წმენდს სისხლს.

16 საათი: 2 ჩაის ჭიქა ტომატის წვენი. წმენდს ორგანიზმს და იცავს კიბოსგან. შეიცავს ლიკოპინს – ანტიოქსიდანტს, რომელიც აფერხებს სიბერის პროცესს, ამცირებს ონკოდაავადებების წარმოშობის რისკს. ამცირებს მადას.

18 საათი: 1 სადილის კოვზი ვაშლის ძმარი გააზავეთ 1 ჩაის ჭიქა თბილ წყალში და გახსენით მასში 1 ჩაის კოვზი თაფლი. ეს ნარევი წვავს ცხიმებს და ორგანიზმიდან გამოაქვს წიდები.

20 საათი: 1 ჩაის ჭიქა ჩაი იმბირით, პიტნის ან მწვანე ჩაი. სამივეს აქვს ანტიანთებითი და შარდმდენი თვისება. აუმჯობესებს სისხლის მიმოქცევასა და საკვების გადამუშავებას.