გასულ უქმეებზე რიო დე ჟანეირომ ძიუდოისტთა დიდ სლემს უმასპინძლა. მართალია, საქართველოს ნაკრები ბრაზილიაში არ ჩასულა, მაგრამ ვფიქრობთ, ძიუდოს ქართველი გულშემატკივრისთვის ამ უპრესტიჟულესი ტურნირის შედეგები მაინც საინტერესოა. შეჯიბრებაში, რომელიც სარეიტინგო ქულათა დარიცხვის მხრივ მხოლოდ ოლიმპიურ თამაშებს, მსოფლიოს ჩემპიონატსა და მასტერსს ჩამოუვარდება, მონაწილეობა 55 ქვეყნის ნაკრებმა მიიღო. მსოფლიო რეიტინგის პირველადგილოსანთაგან კი, ტატამზე მხოლოდ 66 და 100 კილოგრამი წონითი კატეგორიის ლიდერები, მონღოლი ცაგაანბაატარ ჰაშბაატარი და იაპონელი ტაკამასა ანაი გავიდნენ. ამ უკანასკნელმა, ჩემპიონობით მიღებული 300 ქულით კიდევ უფრო განიმტკიცა პირველობა. ჰაშბაატარი სულაც უმედლოდ დარჩა – მეოთხედფინალში ფრანგ დავიდ ლაროშთან მარცხის გამო. გუნდურ ჩათვლაში ყველას იაპონელებმა აჯობეს. 9-კაციანი შემადგენლობიდან 6 კვარცხლბეკზე ავიდა, 4 კი სულაც, უმაღლეს საფეხურზე. ჩემპიონის ტიტული მოიპოვა 90 კილოგრამში მოჭიდავე ტაკაში ონომ და რეიტინგში ორიოდ კვირის წინ გალიდერებულ ილიას ილიადისს ამ დღეებში ისევ უკან მოიტოვებს. კაცების პარალელურად, დიდ სლემში ქალებიც ჩაერთვნენ და მათ შორისაც იაპონელები გამოირჩნენ – 4 ოქროთი.
ძიუდო დიდი სლემი რიო დე ჟანეირო 18-19 ივნისი 60 კგ 1 ჰიროფუმი იამამოტო (იაპონია) 2 ელიო ვერდე (იტალია) 3 ჰიროაკი ჰირაოკა (იაპონია) 3 სოფიან მილუ (საფრანგეთი) 66 კგ 1 მუსა მოგუშკოვი (რუსეთი) 2 სუგოი ურიარტე (ესპანეთი) 3 მასაში ებინუმა (იაპონია) 3 დავიდ ლაროში (საფრანგეთი) 73 კგ 1 რიკი ნაკაია (იაპონია) 2 ჟოაო პინა (პორტუგალია) 3 კოსტელ დანკულეა (რუმინეთი) 3 მურატ კოძოკოვი (რუსეთი) 81 კგ 1 ლეანდრო გილეირო (ბრაზილია) 2 ივან ნიფონტოვი (რუსეთი) 3 სირაჟუდინ მაგომედოვი (რუსეთი) 3 ელნურ მამადლი (აზერბაიჯანი) 90 კგ 1 ტაკაში ონო (იაპონია) 2 ესლი გონზალეს-მონტერო (კუბა) 3 ტიაგო კამილო (ბრაზილია) 3 უგო პესანა (ბრაზილია) 100 კგ 1 ტაკამასა ანაი (იაპონია) 2 სერგეი სამოილოვიჩი (რუსეთი) 3 ტიერი ფაბრე (საფრანგეთი) 3 ელკო ფან დერ ხესტი (ბელგია) +100 კგ 1 ჟოაო გაბრიელ შლიტლერი (ბრაზილია) 2 დანიელ ჰერნანდესი (ბრაზილია) 3 ბარნა ბორი (უნგრეთი) 3 იანუშ ვოინაროვიჩი (პოლონეთი)