საქართველოს ჭაბუკ ძიუდოისტთა ნაკრებმა მალტის ქალაქ კოტონერაში 24-26 ივნისს ჩატარებული ევროპის ჩემპიონატი 7 მედლით და გუნდური მე-2 ადგილით ჩაამთავრა. გიორგი ვაზაგაშვილის გუნდის წევრთაგან დღეს ტატამზე ბოლო სამ წონით კატეგორიაში მოჭიდავე 6 ძიუდოისტი გავიდა და 4-მა მათგანმა კვარცხლბეკსაც უწია. ბექა ღვინიაშვილი (81 კგ) ევროპის ჩემპიონი გახდა, შალვა ჩოჩელი (90 კგ) და გიორგი ლაზუაშვილი (+90 კგ) ფინალში დამარცხდნენ და ვერცხლის მედლებს დასჯერდნენ, ხოლო გურამ თუშიშვილი (90 კგ) მესამე ადგილზე გავიდა. ღვინიაშვილმა საჩემპიონო გზაზე ოთხი მეტოქე ჩამოიცილა. ოთხივე იპონით. პირველ წრეში გერმანელი ტომ გიორლიცი გააკრა ტატამს, შემდეგ რუსი აბდულ-მალიკ ელდჟარკიევი და უკრაინის სახელით მოჭიდავე ქართველი დავით ხარებავა, ფინალში კი უკრაინის გუნდის კიდევ ერთი წევრი, ბოჰდან ზუსკო დაჩაგრა. სწორედ ამ უკრაინელებმა დატოვეს სამეულს მიღმა 81 კილოგრამში მოჭიდავე მეორე ქართველი ადამ ვარაზიშვილი. ამ უკანასკნელმა ნახევარფინალში ზუსკოსთან წააგო, ხოლო რეპეშაჟის ფინალში ხარებავასთან და საბოლოოდ მეხუთე ადგილი დაიკავა. ძირითად ბადესა და დამამშვიდებელ ეტაპზე ვარაზიშვილმა თითო გამარჯვება მოიპოვა: ბელარუს მიკალაი ბარაძინოუსთან და ბერძენ კონსტანტინოს სარიდისთან. 90 კილოგრამში მოჭიდავე ქართველებისთვის დაუძლეველი ბარიერი გლებს ტატალუიევსი აღმოჩნდა. ამ ლატვიელმა ნახევარფინალში გურამ თუშიშვილს იპონით მოუგო, ხოლო ფინალში შალვა ჩოჩელს 2 იუკოთი აჯობა. გადამწყვეტ შეხვედრამდე ჩოჩელმა ფრანგი ალექს ოლარტე, ბელარუსი ივან ზახარენკა და ებრაელი ლი კოჩმანი ჩამოიცილა და რაც მთავარია, სამივე ჰანტეითი. თუშიშვილმა ბალტიისპირელთან დაჭიდებამდე რუს ალექსანდრ გრაჩოვს და აზერბაიჯანელ ჯალილ შუკუროვს წმინდად სძლია, სერბ ნემანია ნიკოლიჩს ვაზარ-იუკოთი. რეპეშაჟის ფინალში კი ბელარუსი ზახარენკა დაამწუხრა. ლაზუაშვილს ტიტულამდე დარჩენილი ერთი ნაბიჯის გადადგმაში ხელი რუსმა ოლეგ აბაევმა შეუშალა. ფინალამდე კი ქართველი მძიმეწონოსანი გერმანელ ბენჟამინ ბუიზგარნსა და უკრაინელ სერგეი ზვერევს იუკოებით, ხოლო რუს ალექსეი საპუნოვს ვაზარით გასცდა. დღეს მოჭიდავე ქართული ექვსეულიდან ყველაზე უშედეგოდ მძიმეწონოსანი გიგა გელაშვილი გამოვიდა – ხორვატ მატეჟ გრუბისასთან დამარცხდა და ევროპირველობას საწყისი ეტაპიდანვე გამოეთიშა. ჩამოთვლილი ოთხი მედალისტის გარდა, კოტონერას ტატამზე საქართველოს ნაკრების წევრთაგან თავი ვანო მამისაშვილმა (ოქრო), თამაზ კირაკოზაშვილმა (ვერცხლი) და ლევან გუგავამ (73 კგ) გამოიჩინეს.
ოთარ მაღლაკელიძე
ძიუდო ევროპის ჩემპიონატი ჭაბუკები კოტონერა (მალტა) 24-26 ივნისი 50 კგ 1 ელიოს მანცი (იტალია) 2 ვალიდე ხიარი (საფრანგეთი) 3 ლუკა კავალო (იტალია) 3 ლუის მასი (საფრანგეთი)
საქართველოს ჭაბუკ ძიუდოისტთა ნაკრებმა მალტის ქალაქ კოტონერაში 24-26 ივნისს ჩატარებული ევროპის ჩემპიონატი 7 მედლით და გუნდური მე-2 ადგილით ჩაამთავრა. გიორგი ვაზაგაშვილის გუნდის წევრთაგან დღეს ტატამზე ბოლო სამ წონით კატეგორიაში მოჭიდავე 6 ძიუდოისტი გავიდა და 4-მა მათგანმა კვარცხლბეკსაც უწია. ბექა ღვინიაშვილი (81 კგ) ევროპის ჩემპიონი გახდა, შალვა ჩოჩელი (90 კგ) და გიორგი ლაზუაშვილი (+90 კგ) ფინალში დამარცხდნენ და ვერცხლის მედლებს დასჯერდნენ, ხოლო გურამ თუშიშვილი (90 კგ) მესამე ადგილზე გავიდა.
