მთავარი » 2011 » მაისი » 5 » ეროვნულ ბიბლიოთეკაში ცოტნე ცოცხალაშვილის კონცერტი გაიმართა
18:41
ეროვნულ ბიბლიოთეკაში ცოტნე ცოცხალაშვილის კონცერტი გაიმართა
ეროვნულ ბიბლიოთეკაში ბოსტონის ახალი ინგლისური კონსერვატორიის სტუდენტ ცოტნე ცოცხალაშვილის კონცერტი გაიმართა. ახალგაზრდა პიანისტმა მოცარტის და შოპენის ნაწარმოებები შეასრულა.
აღსანიშნავია, რომ ცოტნე თბილისში საერთაშორისო ფესტივალში "აღდგომიდან ამაღლებამდე" მონაწილობის მისაღებად ჩამოვიდა და კონცერტები გამართა თბილისსა და ზუგდიდში.
ცნობისთვის, ცოტნე ცოცხალაშვილმა 2009 წელს ცენტრალური სამუსიკო სასწავლებელი დაამთავრა, რომლის დასრულების შემდეგ აშშ-ში გაემგზავრა. ბოსტონის კონსერვატორიაში პიანისტი ალექსანდრე კორსანტიას ხელმძღვანელობით სწავლობს. მუსიკოსი რამდენიმე საერთაშორისო კონკურსის გამარჯვებული და პრემიის მფლობელია.
2010 წელს ბოსტონში გამართულ საერთაშორისო კონკურსზე მან პირველი პრემია მიიღო.
