მთავარი » 2011 » მაისი » 7 » კვახაძე და რაზმაძე, მსაჯის გინების გამო, პოლიციამ (გა)დასაჯა!
00:16 კვახაძე და რაზმაძე, მსაჯის გინების გამო, პოლიციამ (გა)დასაჯა! |
 ეროვნული ჩემპიონატის 31-ე ტურის მატჩში, რუსთავის "ოლიმპსა" და "ზესტაფონს" შორის, მომხდარი ინციდენტისა და მსაჯის გინების გამო, მასპინძელი გუნდის კაპიტანი - ალექსანდრე კვახაძე და ფეხბურთელი - ლუკა რაზმაძე, ესტეკამ 5-5-მატჩიანი დისკვალიფიკაციით და 600-600 ლარით დასაჯა.
ფეხბუთელებს უქმობა სეზონის ბოლომდე მოუწევთ. ის, რაც დღეს დილით მოხდა, საინტერესოა, ფედერაციაში ამაზე რა კომენტარს გააკეთებენ. როგორც წესი, მინდორზე, თამაშის დროს მომხდარ ნებისმიერ ფაქტს, ფედერაციის სადისციპლინო კომიტეტი განიხილავს და ვერდიქტსაც ის აწესებს, რაც უკვე ზემოთ ვახსენეთ.
დღეს დილით, ალექსანდრე კვახაძე და ლუკა რაზმაძე, რუსთავის პოლიციამ დააკავა და მთელი დღის განმავლობაში დაკავებული ჰყავდათ. განყოფილებიდან ფეხბურთელები მხოლოდ ახლა გამოუშვეს. როგორც მათ პოლიციაში განუმარტეს, "ზესტაფონთან" შეხვედრაში, მათ საზოგადოებრივი თავშეყრის ადგილზე, გინების გამო, მათთან საჩივარი შევიდა აღნიშნულ ფაქტზე და ამის შემდეგ მოხდა ფეხბურთელების დაკავება.
მომხდარის გამო, ლექსო კვახაძე აღშფოთებას ვერ მალავს და აცხადებს, რომ ამის გამო, მედიამ ხმა უნდა ამოიღოს და ყველამ ისაუბროს, რადგან ამ შემთხვევას, მსოფლიოში პრეცენდენტი არ ჰქონია.
"დღეს დილით დაგვაკავეს, როგორც კრიმინალები და მთელი დღის განმავლობაში არ გამოგვიშვეს, ვარჯიშიც კი გაგვაცდენინეს. იქვე მოაწყვს სასამართლო და გაგვასამართლეს, ან 90 დღე ადმინისტრაციული დარღვევისთვის, ან 100 ლარი და მოსამართლემ იქვე გამოგვიწერა 100-ლარიანი ჯარიმები ორივეს.
მე თუ წესებს ვარღვევ მოედანზე, არსებობს ამისი განსმჯელი შესაბამისი ორგანო და მათ უკვე გამოგვიტანეს შესაბამისი განაჩენი. საქართველოში აქამდე არ მომხდარა, რომ მსაჯზე გინებისთვის ფეხბურთელი 5 - მატჩიანი დისკვალიფიკაციით დაესაჯათ, ჩვენთვის კი ეს მოხდა. ახლაც, არ მგონია, რომ ვინმე გულშემატკივარს დაერეკა პოლიციაში ამის გამო. თუ უნდათ ფეხბურთს თავი დაგვანებებინონ, თქვან პირდაპირ, ფაქტია, რომ ისევ ფედერაციიდან ან მათი უწყებიდან აწყობდა ვიღაცას ეს. ფეხბურთს რომ სულ თავი დავანებო, მაინც ხმამაღლა ვიტყვი და მინდა ყველამ თქვათ, რომ ის რაც ხდება, არის მიზანმიმართული ზეწოლა ჩვენს მიმართ და როდემდე შეიძლება გაგრძელდეს"?
მიმაგრება:  |
|
კატეგორია: Sports - სპორტი |
ნანახია: 689 |
დაამატა: Germana
| ტეგები:
| რეიტინგი: 0.0/0 |
 |
