მთავარი » 2011 » მაისი » 7 » სატრანსპორტო და სითი–პარკის ჯარიმების გადაუხდელობა ქონების დაყადაღებას გამოიწვევს
10:25 სატრანსპორტო და სითი–პარკის ჯარიმების გადაუხდელობა ქონების დაყადაღებას გამოიწვევს |
 საქართველოს მოქალაქეებს სატრანსპორტო, საპატრულო და სითი–პარკის ჯარიმების გადაუხდელობის შემთხვევაში ქონების დაყადაღება ემუქრებათ. აღნიშნული ინფორმაცია "ბიზნეს კურიერმა" გაავრცელა. აღსრულების ეროვნულ ბიუროში აცხადებენ, რომ მოქალაქეთა საქმეები, რომლებიც 30 დღის განმავლობაში არ იხდიან დაკისრებულ თანხას, მათთან გადადის. მათივე თქმით, დღეისთვის ასეთი მოქალაქეების რიცხვი 28 ათასს აღწევს.
ბიუროს განმარტებით, საქმის მისვლის შემდეგ აღმასრულებელი მოქალაქესთან მიდის და აფრთხილებს, რომ თანხა 7 დღის ვადაში გადაიხადოს. წინააღმდეგ შემთხვევაში მისი ქონება დაყადაღებას ექვემდებარება. აღსრულების ეროვნულ ბიუროში ყველაზე ხშირია სწორედ სატრანსპორტო, საპატრულო და სითი პარკის ჯარიმები. აღსრულების ეროვნული ბიურო მოქალაქეთა ინფორმირებისთვის სპეციალურ კამპანიას მართავს.
მიმაგრება:  |
|
კატეგორია: News - ახალი ამბები |
ნანახია: 711 |
დაამატა: Germana
| ტეგები:
| რეიტინგი: 0.0/0 |
 |
