მთავარი » 2011 » მაისი » 7 » "ნაბუქოს" გაზსადენის მშენებლობა 12 მილიარდამდე გაიზარდა
10:25 "ნაბუქოს" გაზსადენის მშენებლობა 12 მილიარდამდე გაიზარდა |
"ნაბუქოს" გაზსადენის მშენებლობის დაწყება 2013 წლამდე გადაიდო. ამის შესახებ "ნაბუკოს" მმართველმა დირექტორმა რეინჰარდ მითჩეკმა განაცხადა. "ცენტრალურ აზიასა და ახლო აღმოსავლეთში ნავთობის მოპოვების ვადების გათვალისწინებთ, "ნაბუქოს" კონსორციუმმა პროექტის რეალიზაციის ვადები შეცვალა. გაზსადენის მშენებლობის დაწყება 2013 წელსაა მოსალოდნელი, ხოლო მისთვის გაზის მიწოდება - 2017 წელს", - განაცხადა მითჩეკმა.
მისივე თქმით, "ნაბუკო" თავისთავად საკმაოდ განვითარებული პროექტია და შეიძლებოდა, მისი რეალიზაცია უფრო ადრეც დაწყებულიყო, თუმცა უფრო რაციანალურია მისი რეალიზაციის ვადების სინქრონიზაცია საინვესტიციო ჯაჭვში ჩართული ყველა მხარის საპროექტო საქმიანობის ვადებთან".
ამასთან, არაოფიციალური ინფორმაციით, პროექტის ღირებულება 7.9 მლრდ ევროდან 12-15 მლრდ-მდე გაიზარდა.
ცნობისთვის, ადრე "ნაბუქოს" გაზსადენის მშენებლობის დაწყების თარიღად - 2012 წელი, ხოლო ექსპლუატაციის თარიღად 2015 წელი იყო დასახელებული.
შეგახსენებთ, რომ "ნაბუქოს" პროექტი პირველ ეტაპზე ბაქო-თბილისი-ერზერუმის გაზსადენის გაგრძელებაზე ახალი მილსადენის მშენებლობას ითვალისწინებს, ასევე ევროპის მიმართულებით, საქართველოს და თურქეთის გავლით აზერბაიჯანული და შუააზიური გაზის ტრანსპორტირებას გულისხმობს. მისი გამტარუნარიანობა წელიწადში 8-10 მილიარდ კუბურ მეტრამდე იქნება, ხოლო მომავალში სიმძლავრე შესაძლოა, 65 მილიარდამდე გაიზარდოს.
მიმაგრება: |
კატეგორია: News - ახალი ამბები |
ნანახია: 682 |
დაამატა: Germana
| ტეგები:
| რეიტინგი: 0.0/0 |
|