მთავარი » 2011 » მაისი » 7 » მიხეილ სააკაშვილი: ბათუმი საქართველოს მნიშვნელოვანი ფინანსური ცენტრი გახდება
10:27 მიხეილ სააკაშვილი: ბათუმი საქართველოს მნიშვნელოვანი ფინანსური ცენტრი გახდება |
 ბათუმში, დღეს შავი ზღვის ბიზნესცენტრის მშენებლობა ოფიციალურად გაიხსნა. ცნობილია, რომ მშენებლობის გახსნას საქართველოს პრეზიდენტი მიხეილ სააკაშვილი დაესწრო.
ფუნდამენტში კაფსულა სიმბოლურად მომღერალმა დიანა ლაბაძემ ჩადო, რომელიც წარმოშობით ბათუმელია და მოსკოვში მოღვაწეობს. აღნიშნული ცენტრის მშენებლობას, პრეზიდენტმა სააკაშვილმა მნიშვნელოვანი უწოდა და განაცხადა, რომ მალე ბათუმი უმნიშვნელოვანესი ფუნდამენტალური ცენტრი გახდება.
მისივე თქმით აღნიშნული ცენტრის მშენებლობა ქვეყანაში ეკონომიკურ აქტივობას გაზრდის და ამის ფონზე დასაქმებულთა რაოდენობაც გაიზრდება. –'' ბათუმი იქნება მნიშვნელოვანი ფინანსური ცენტრი. ბევრი რამე ებმევა ფოთის პორტს, ბათუმის სპორტს, ინვესტიციებს სხვადასხვა მეზობელი ქვეყნიდან და ამიტომ თავისთავად ამხელა ბიზნესშენობის აშენება, რომელიც იქნება ძალიან ლამაზი შექმნის იმას, რომ ათიათასობით ადამიანი დასაქმდება, რის გამოც ბათუმში ეკონომიკური აქტიურობა გაიზრდება ქვეყანაში'',–განაცხადა პრეზიდენტმა დღეს ბათუმში ბიზნესცენტრის მშენებლობის გახსნის დროს.
შეგახსენებთ, რომ დღესვე სააკაშვილი ბათუმში პოლიციის მიერ გამართულ აღლუმსაც დაესწრო და სამართალდამცავებს პროფესიული დღე მიულოცა.
მიმაგრება:  |
|
კატეგორია: News - ახალი ამბები |
ნანახია: 610 |
დაამატა: Germana
| ტეგები:
| რეიტინგი: 0.0/0 |
 |
