შენ ქრისტესი ხარ მხევალი


შენ მზე ხარ ამქვეყნიური.
გამონათება ღვთიური.
შენ სამოთხე ხარ ვნებული,
ვისთვისაც მიცემს მე გული.
მე გაზაფხული გიწოდე,
მზად ვარ, რომ ცეცხლში ვიწვოდე.
მომედოს შენი სახმილი,
ჭრილობა მქონდეს გახსნილი.
შენ ტკივილი ხარ უძირო,
და ღამის ბინდი უძილო.
შენ ფანტაზიის ნაყოფი,
ჩემი გულის არსაყოფი.
შემოღამება ტალღებზე.
შენ საპოვნელა ალპებზე.
თვით ქალღმერთი ხარ სევდების,
და ამ სევდებში ვბერდები.
შენ ციდან ნამის ფრქვევა ხარ.
უთქმელი ბედისწერა ხარ.
შენ ოცნება ხარ მზიანი.
თვალები, ხან დარდიანი.
შენ დახუნძლული მტევანი.
ვერ გედრებიან ევანი.
შენ ქრისტესი ხარ მხევალი.

*******


ქარია, გესმის?
როგორ შფოთავს და ფეთქავს უმწეო გული.
სამარადისოდ შემიმპყრო დარდმა
სინანულს მივანდე უღირსი თავი.
რა ბანალურად ჟღერს სიტყვა "მიყვარხარ”
როცა ხმას ვეღარ იღებ
და მუნჯურად ცდილობ ილაპარაკო.
მიყვარხარ, თუ გინდა სიმართლე,
მიყვარხარ!იცი ძვირფასო ჩემი სისუსტე.
ჰო, როგორც სხვა ყველა მოკვდავს
ბევრი ნაკლი მაქვს, რა ვილაპარაკო?
მხოლოდ, ეხლა ჩემი ოთახის ცივ
და მტვერიან შუქში, შენზე ვოცნებობ
და ამ ოცნებას ვმალავ საგულდაგულოდ.
ქარია, გესმის?
როგორ შფოთავს და ფეთქავს უმწეო გული…

ავთანდილ.კ.

მიმაგრება: