ესპანურ ფეხბურთში "ბარსელონას" დომინირება გრძელდება. ლა ლიგის 36-ე ტურში, ვალენსიაში მოპოვებული ქულით, კატალონიურმა კლუბმა ზედიზედ მესამედ, ისტორიაში კი 21-ედ მოიგო ქვეყნის ჩემპიონის ტიტული. პირველ ტაიმში, ძირითადად სტუმრები უტევდნენ, მაგრამ უფრო სახიფათო იერიშებს მაინც მასპინძლები ახორციელებდნენ.
ანგარიში 27-ე წუთზე გაიხსნა, როდესაც ხავის კარგი გადაცემის შემდეგ, კეიტამ მუნუას კარიდან უდროოდ გამოსვლით იხეირა და საჯარიმოს წინა ხაზიდან, ძალიან ზუსტი თავური დარტყმით, მიმდინარე გათამაშებაში, თავისი მე-3 გოლი გაიტანა. მე-41 წუთზე, მთელი შეხვედრის განმავლობაში ძალიან ცუდად მოთამაშე პიკეს მიუტევებელი შეცდომით ისარგებლა კაისედომ, რომელმაც ცარიელ კარში დარტყმით, ანგარიში გაათანაბრა. საბოლოოდ შეხვედრა ფრედ 1–1 დასრულდა.
აღნიშნული ფრის შემდეგ "ბარსელონა" ოფიციალურად გახდა ესპანეთის ჩემპიონი. კატალონიელებმა ბოლო 21 წლის განმავლობაში 11–ჯერ მოიპოვეს "ლა ლიგის" ჩემპიონის ტიტული.
მიმაგრება:  |
