მთავარი » 2011 » მაისი » 12 » შერმადინის ოთხიდან ოთხი
15:42 შერმადინის ოთხიდან ოთხი |
ლიუბლიანის "ოლიმპიამ”, რომლის რიგებშიც ვლადიმერ ბოისა და გიორგი შერმადინი ირიცხებიან, სლოვენიის ჩემპიონატში მე-7 გამარჯვება იზეიმა და ლიდერ ნოვო მესტოს "კრკას” კვალად მე-2 ადგილზე გადაინაცვლა. ლიუბლიანელებმა მშობლიურ "სტოჟიცე არენაზე” "გეოპლინ სლოვანი” მიიღეს და პირველი ტაიმის შემდეგ მხოლოდ 4 ქულით იგებდნენ, საბოლოოდ კი, მეტოქე 70:45 გაანადგურეს. ქართველ კალათბურთელთაგან, "ოლიმპიას” სასტარტო ხუთეულში არცერთს არ უთამაშია. ბოისამ მოედანზე 16:12 წუთი გაატარა და 1 ქულა, 1 მოხსნა და 1 პასი მოაგროვა. ვოვამ 2-დან 1 საჯარიმო ჩააგდო, ორქულიანი ააცილა, სამჯერ დაჯარიმდა, მის წინააღმდეგ კი ორჯერ იუხეშეს. გაცილებით სარგებლიანი გახლდათ შერმადინი, რომელმაც მხოლოდ 08:44 წუთს ითამაშა და გუნდს 8 ქულა, 1 მოხსნა, 1 პასი და 1 ჩაჭრა შესძინა. ქართველმა ცენტრმა 4-ვე ორქულიანი ზუსტად სტყორცნა და ბურთი ერთხელ დაკარგა. საინტერესოა ისიც, რომ გიორგის ჯარიმა არც თავად მიუღია და თამაშის წესები არც მასზე დაურღვევიათ. ლიუბლიანელთა რიგებში, საუკეთესო დამირ მარკოტა გახლდათ, რომელმაც თოთხმეტ ქულას 7 მოხსნა წაამატა. "ოლიმპიას” მორიგი მატჩი თოთხმეტ მაისს ელის, როდესაც "პოლზელას” უმასპინძლებს.
მიმაგრება: |
კატეგორია: Sports - სპორტი |
ნანახია: 700 |
დაამატა: Germana
| ტეგები:
| რეიტინგი: 0.0/0 |
|