მთავარი » 2011 » მაისი » 16 » ჯოკოვიჩმა ნადალს მეოთხე ფინალიც მოუგო
10:26 ჯოკოვიჩმა ნადალს მეოთხე ფინალიც მოუგო |
რომში Internazionali BNL d’Italia-ს ფინალში სადღეისოდ პლანეტის ორი უძლიერესი ჩოგბურთელი, რაფა ნადალი და ნოვაკ ჯოკოვიჩი გავიდნენ და წლეულს მათ მეოთხე ფინალურ დაპირისპირებას სპორტული სამყარო მოუთმენლად ელოდა. გადამწყვეტი მატჩის დაწყებამდე მოწინააღმდეგეები ერთმანეთს აქებდნენ. ჯოკოვიჩი აცხადებდა, რაფა ფიზიკურად ყველაზე მძლავრი მოთამაშეაო, ხოლო ნადალი რეპორტიორებს დანანებით გამოუტყდა, ნოვაკმა წინა სამი ფინალი მომიგო და ამიტომ არაა გასაკვირი, "მარადიულ ქალაქში” ამჯერად ფავორიტი რომ არ ვარო. ფინალმა მოლოდინი გაამართლა. ორი საათისა და 12 წუთის განმავლობაში ჯოკოვიჩმა და ნადალმა მაყურებელს უმაღლესი კლასის ჩოგბურთი აჩვენეს. მართალია, სერბმა ორი სეტით მოახერხა მალიორკელის ძლევა, მაგრამ ნადალი ბოლომდე უდიდეს წინააღმდეგობას უწევდა ჯოკოვიჩს, რასაც მატჩის მიწურულიც ადასტურებს. ბალკანელი 5:4-ს იგებდა და პირენელის მოწოდებაზე 40:0 დაწინაურდა, მაგრამ რაფამ ანგარიშის გაყაიმება მოახერხა. თუმცა, მომდევნო მოწოდებებზე კვლავ ნოვაკმა იმარჯვა და რომის ტურნირის გამარჯვებული გახდა. ასე და ამგვარად, ჯოკოვიჩმა 2011 წელს მეოთხე გადამწყვეტი მატჩი მოუგო ნადალს, ზედიზედ მოგებულ მატჩთა რაოდენობა კი 39-მდე გაზარდა.
რომი Internazionali BNL d’Italia მამაკაცები საპრიზო ფონდი 2 მილიონ 227500 დოლარი ფინალი ნოვაკ ჯოკოვიჩი (სერბია) – რაფა ნადალი (ესპანეთი) 6:4, 6:4
მიმაგრება: |
კატეგორია: Sports - სპორტი |
ნანახია: 653 |
დაამატა: iakobi
| ტეგები:
| რეიტინგი: 0.0/0 |
|