უამრავი სიახლე დაიწერა და ითქვა ”ბარსელონას” მომავალ ფორმებთან დაკავშირებით. მართალია, ჯერ კლუბის ხელმძღვანელობას ოფიციალურად არ განუცხადებია ამის შესახებ, თუმცა კატალონიელთა Facebook-ის ოფიციალურ გვერდზე დაიდო ახალი საშინაო მაისურების მაკეტი. წინასწარი ინფორმაციით კლუბი ახალი ფორმის პრეზენტაციას ხვალ, 17 მაისს მოახდენს.
მაისურს აქვს ცხრა წითელი ზოლი. სახელურები მთლიანად ლურჯია, ხოლო საყელო კი წითელი. როგორც წინასწარ იყო ცნობილი, UNICEF-ის ლოგომ მაისურის უკანა მხარეს, სანომრე ნიშნის ქვეშ გადაინაცვლა, ხოლო მისი ადგილი ახალი სპონსორის დასახელებამ Qatar Foundation-მა დაიკავა.
კლუბის დევიზი - ”უფრო მეტი ვიდრე კლუბი” ("Mes que un club”) მაისურის შიგნითა მხარეს მოთავსდა. კლუბის დასახელება კი კატალონიის დროშის თავზე.
არაფერია ცნობილი საგარეო ფორმასთან დაკავშირებით. ადრე გავრცელებული ინფორმაციის თანახმად ის სრულებით შავი უნდა იყოს, თუმცა კლუბს ამის თაობაზე ინფორმაცია არ გაუვრცელებია.
მიმაგრება:  |
