მთავარი » 2011 » მაისი » 16 » ”ბარსელონა” - ”დეპორტივო”. გვარდიოლა მატჩის შემდეგ
20:44
”ბარსელონა” - ”დეპორტივო”. გვარდიოლა მატჩის შემდეგ
ხოსეპ გვარდიოლა ”დეპორტივოსთან” თავისი გუნდის თამაშით კმაყოფილი დარჩა. ”ჩვენ არაფერი გვიჩუქებია. ასევე გაგვიჭირდებოდა ძირითადი შემადგენლობა რომ ყოფილიყო” - განაცხადა პეპმა.
გვარდიოლამ შეგვახსენა, თუ როგორ მიდიოდა გუნდი ამ მატჩისთვის: პარასკევის ფიესტა, სადილი და ბევრი გართობა ლა ლიგის 21-ე ტიტულის აღსანიშნად. ”რესტორანში ბევრი ვჭამეთ და ბევრი დავლიეთ” - აღიარა გვარდიოლამ.
შექება რეზერვისტებს
მწვრთნელმა ის ფეხბურთელები გამოყო, რომელთა ხილვას ძირითადში მიჩვეულნი არ ვართ: ფონატასი, ბარტრა და დოს სანტოსი. ”ბარტრა და ფონტასი ძალიან კარგები არიან. დოს სანტოსი ლატარელის პოზიციაზე ბწრყინვალე იყო. ჯონათანი შესანიშნავი იყო” - აღნიშნა გვარდიოლამ კანტერანოების მოქმედება.
შეთანხმება - წარმატების გასაღები
ამ მატჩში გუნდი ”ნოუ კამპს” შემდეგ სეზონამდე დაემშვიდობა. გვარდიოლას ფიქრები მხოლოდ ”უემბლიზეა” გადატანილი, მაგრამ წინ არის მატჩი ”მალაგასთან”. ”მომავალ მატჩში მთავარი იქნება შეთანხმებულად მოქმედება, წინააღმდეგ შემთხვევაში გოლების გატანა რთული იქნება” - განაცხადა გვარდიოლამ.
რაც შეეხება ჩემპიონთა ლიგის ფინალისთვის მზადებას, გვარდიოლამ განაცხადა: ”ოთხშაბათიდან ”მალაგასთან” გასამართი მატჩისთვის მოვემზადებით, ხოლო შემდეგ ფინალისთვის”.
ბართომეუ: ”ახლა ”უემბლიზე” ვფიქრობთ”
”ბარსელონას” ვიცე-პრეზიდენტმა, ხოსეპ მარია ბართომეუმ ”დეპორტივოსთან” მატჩის შემდეგ განაცხადა, რომ ეს განუმეორებელი გუნდია, რომელიც ისტორიას წერს. ბართომეუმ შეგვახსენა: ”ჩვენი მიზანი ლა ლიგის მოგება იყო და ეს შევასრულეთ. ახლა მხოლოდ ”უემბლიზე” ვიფიქრებთ.” შემდეგ სეზონთან დაკავშირებით ვიცე-პრეზიდენტმა შემდეგი განაცხადა: ”ჩვენ გვყავს გუნდი, რომელიც შემდეგ წელსაც ყველაფრისთვის იბრძოლებს”.
