მთავარი » 2011 » მაისი » 16 » ”ბარსელონა” - ერთადერთი გუნდი, რომელმაც ჩემპიონის ტიტული შეინარჩუნა
20:45 ”ბარსელონა” - ერთადერთი გუნდი, რომელმაც ჩემპიონის ტიტული შეინარჩუნა |
”ბარსელონა” არის ის ერთადერთი გუნდი, რომელმაც ჩემპიონის ტიტული შეინარჩუნა, განსხვავებით იტალიის, ინგლისის, გერმანიის, პორტუგალიისა და რუსეთის შარშანდელი ჩემპიონებისგან. ჯერ-ჯერობით არ არის გარკვეული საფრანგეთის ჩემპიონის ვინაობა.
ინგლისის მიმდინარე წლის ჩემპიონობა ოფიციალურად მოიპოვა ”ბარსას” მომავალმა მეტოქემ ჩემპიონთა ლიგის ფინალში. ”მანჩესტერ იუნაიტედი” ”ბლექბერნთან” გაგორებული ფრის (1-1) შემდეგ, მეცხრამეტედ გახდა ინგლისის ჩემპიონი.
”მილანმა” ქვეყნის ჩემპიონის თასი თანაქალაქელ ”ინტერს” ჩამოართვა, მაშინ, როდესაც პორტუგალიურმა ”პორტომ” 19 ქულით გადაუსწრო შარშანდელ ჩემპიონს - ”ბენფიკას”.
ვან გაალის ”ბაიერნმა” ვერ შეძლო ფორმის შენარჩუნება გასული სეზონის შემდეგ და ქვეყნის ჩემპიონის ტიტული დორტმუნდის ”ბორუსიას” დაუთმო. ”ტვენტე” ახლოს იყო შარშანდელი რეკორდის გამეორებასთან, თუმცა მას გეგმები ჩაუშალა ”აიაქსმა”.
და ბოლოს, რუსეთის ჩემპიონის თასის მოპოვება ვერ შეძლო ”რუბინმა” და ტიტული ”ზენიტს” დაუთმო.
მიმაგრება:  |
|
კატეგორია: Sports - სპორტი |
ნანახია: 672 |
დაამატა: iakobi
| ტეგები:
| რეიტინგი: 0.0/0 |
 |
