მთავარი » 2011 » მაისი » 29 » ფეხბურთელები მატჩის შემდეგ
09:23 ფეხბურთელები მატჩის შემდეგ |
გთავაზობთ "ბარსელონას" ფეხბურთელების კომენტარებს გუშინდელი ტრიუმფის შემდეგ.
კარლეს პუიოლი
"უზომოდ გახარებული ვარ, ჩვენმა გუნდმა მეოთხედ მოიგო ჩემპიონთა თასი. ძალიან კარგი შედეგია, ეს ყველა ფეხბურთელის დამსახურებაა. მატჩში ბოლო წუთებზე გამოვჩნდი, მაგრამ ეს არ მაღელვებს, მთავარია გუნდმა გაიმარჯვა, მოიპოვა ისტორიული გამარჯვება, ეს დღე ისტორიას დარჩება და "ბარსელონას" სახელი ოქროს ასოებით ჩაიწერება.
ხოსეპ გვარდიოლასთან ყველანი ძალიან კარგ ურთიერთობაში ვართ. ის გვიგებს ჩვენ, ჩვენ მას.ძალიან კარგი პიროვნება და თავისი საქმის დიდი პროფესიონალია, ყველას გვსურს, რომ ხოსეპი გუნდში დიდი ხნის განმავლობაში დარჩეს, ჩვენი წარმატების მთავარი საწინდარი სწორად ის არის".
დავიდ ვილია
"უზომოდ ბედნიერი ვარ, ეს ჩემთვის პირველი ლიგის ტიტულია. მადლობა ყველას, ჩვენ ვიმსახურებდით ამ გამარჯვებას, დავამარცხეთ ისეთი გუნდი, როგორიც "მანჩესტერ იუნაიტედია", ევროპაში ერთ–ერთი საუკეთესო ლეგენდარული მწვრთნელის თაოსნობით. ემოციებით ვარ აღსავსე, უზომოდ გახარებული ვარ".
ბუსკეტსი
"ჩვენ ჩვენი საქმე ბრწყინვალედ გავაკეთედ. მატჩი შედგა, თასი ჩვენია. რუნი ძალიან სახიფათო ფეხბურთელია, მან ეს დაამტკიცა, იმისდა მიუხედავად, რომ ბევრი მომენტი ინგლისელს არ შეუქმნია, ერთი შეიქმნა და გაიტანა, ეს მის მაღალ კლასზე მეტყველებს".
მასკერანო
"მადლობა ყველას ფეხბურთელებიდან დაწყებული გულშემატკივრებით და ტექნიკური პერსონალებით დამთავრებული. უზომოდ ბედნიერი ვარ, ეს ჩემთვის პირველი "ჩემპიონთა თასია".
ალვეში
"ეს მსოფლიოს საუკეთესო გუნდია, ამაში ორი აზრი არ უნდა არსებობდეს. ვისაც ფეხბურთი უყვარს, უნდა უხაროდეს ეს გამრაჯვება, მატჩი შედგა, ბრწყინვალე ფინალი, ისეთი თამაში, როგორიც ამ გუნდებს შეეფერებოდა. ჩვენ ჩვენ მეტოქეზე ძლიერნი ვიყავით, ამიტომაც ლოგიკურია ჩვენი გამარჯვება".
მესი
"ძალიან საინტერესო თამაში იყო და სასიამოვნო. ჩვენმა გუნდმა მოედანზე ყველაფერი დადო და გამარჯევბაც მოიპოვა, ჩვენ ვიმსახურებდით ამ გამარჯვებას. რთული სეზონი იყო, მაგრამ ეს სეზონი ტრიუმფით დასრულდა. ახლა წავალთ და სახლში ვიზეიმებთ ჩვენს გულშემატკივრებთან ერთად ამ გამარჯვებას".
პედრო
"ჩვენ ყველაფერი ძალიან კარგად გავაკეთეთ და შევასრულეთ, ხოსეპის სიტყვები მატჩის წინ გავიაზრეთ, ამიტომაც ყველაფერი კარგად მიმდინარეობდა. ჩვენმა გუნდმა ეს გამარჯვება დაიმსახურა, უდაოა, "ბარსელონა" მსოფლიოს საუკეთესო კლუბია. ძალიან რთულია ფინალში გამარჯვება, არც ეს იყო გამონაკლისი, პირველ ტაიმში ინგლისელებმა დაგვანახეს, რომ ერთი მომენტი და ყველაფერი შესაძლოა წყალში ჩაყრილიყო. ამიტომაც მეორე ტაიმში უფრო ვაკონტროლებდით სიტუაციას".
მიმაგრება:  |
|
კატეგორია: Sports - სპორტი |
ნანახია: 658 |
დაამატა: iakobi
| ტეგები:
| რეიტინგი: 0.0/0 |
 |
